Աշնանային մրցաշար, վերջին խաղ
Հարգելի՛ սովորողներ,
«Քրոնոս» գիտակների ակումբը սիրով տեղեկացնում է «Աշնանային մրցաշարի» եզրափակիչ՝ 3-րդ վճռորոշ հանդիպման մասին։Հոկտեմբերի 14-ին կայացած երկրորդ խաղն էլ ավելի սրեց մրցաշարային ինտրիգը։ «Ի՞նչ, որտե՞ղ, ե՞րբ» փուլում «Կամերա 5» թիմը՝ 12 հարցից 8 ճիշտ պատասխանով, լուրջ հայտ ներկայացրեց հաղթանակի համար, սակայն փաստաշարերի փուլում փորձն իր խոսքն ասաց․ խաղի հաղթող ճանաչվեց «Փիղ» թիմը, 2-րդ տեղը զբաղեցրեց «Կամերա 5»-ը, իսկ լավագույն եռյակը եզրափակեց 10-րդ դասարանցիների «Մագնուս» թիմը։
Երկու խաղերի հանրագումարով՝ եզրափակիչ փուլից առաջ մրցաշարային աղյուսակն ունի հետևյալ տեսքը․
| Թիմ | Հորիզոնական | Միավոր |
| Փիղ | 1 | 5 |
| Բազեներ | 2 | 3 |
| Կամերա 5 | 3 | 2 |
| Նովա | 4 | 1 |
| Մագնուս | 4 | 1 |
Մրցաշարի հանգուցալուծումը տեղի կունենա նոյեմբերի 18-ին, ժամը՝ 14:00-ին՝ Մարմարյա սրահում։
Խաղային ձևաչափը մնում է անփոփոխ․
1-ին փուլ՝ 12 տրամաբանական հարց «Ի՞նչ, որտե՞ղ, ե՞րբ» ձևաչափով։
2-րդ փուլ՝ 5 փաստաշար (յուրաքանչյուրը 5-ական հուշումով)։
Սա եռափուլ մրցաշարի վերջին և վճռորոշ խաղն է։ Միավորների տարբերությունը մեծ չէ, ուստի յուրաքանչյուր հարց կարող է ճակատագրական լինել չեմպիոնական տիտղոսի համար պայքարում։ Սպասում ենք ինչպես առաջատար թիմերին, այնպես էլ նոր մասնակիցների, որոնք պատրաստ են փոխել մրցաշարային աղյուսակի պատկերը։
Սպասում ենք բոլորիդ Մարմարյա սրահում։ Մաղթում ենք հաջողություն և հետաքրքիր պայքար։
«Քրոնոս» գիտակների ակումբ



Comments
Post a Comment